Кенесарының басы қайда?! – Мәжіліс депутатының сауалы
27.11.2011, 18:04
Кенесарының басы қайда?.. Мәжілісменнің осындай сұрағына Мәдениет министрі мардымды жауап қайтармады.
Қазақтың соңғы ханының басы жайлы мәселе тек депутат Амангелді Момышевты ғана емес, барша Алаш баласын толғандыратыны ащы да болса ақиқат. Мұхтар Құл-Мұхаммед, қазақтың азат болуын аңсап, қайран басы ноқтаға сыймай кеткен Кенесарының басын іздеп бармаған жері, баспаған мұрағаты қалмағанын айтып ақталды. Мәдениет министрі тіпті, оны тауып ұлықтау жайы Ұлт көшбасшысы Нұрсұлтан Назарбаевтың назарында деп салды. Ал, әзірге басты іздеуден еш нәтиже шықпай тұрған жайы бар.
«Оны іздеп Омбы бардым, Орынбор бардым. Талай мұрағаттарда араладым. Жоқ еш жерде»,-дейді Мұхтар Құл-Мұхаммед.
