2020 жылға қарай мектептерде кең жолақты интернеттің жылдамдығын 4 М/бит-ке дейін арттыру жоспарлануда
27.11.2011, 18:06
АСТАНА. Қарашаның 3-і. BNews.kz – 2020 жылға қарай Қазақстан мектептерінде электронды оқытуға арналған кең жолақты интернеттің жылдамдығын 4 М/битқа дейін арттыру жоспарлануда. Бұл туралы бүгін bnews.kz порталында өткен онлайн-конференция барысында «Қазақтелеком» АҚ Басқарма төрағасы Қуанышбек Есекеев хабарлады.
«Қазір біздің компания ҚР Байланыс және ақпарат министрлігімен бірге қол қойылған кең жолақты қолжетімділік жоспары туралы бағдарламаға сәйкес, ауыл тұрғындарына арналған сымсыз кең жолақты қолжетімділік беру жұмыстарын жүргізуде. Осы қызметті ұсынғаннан кейін, біз оның жылдамдығын арттыруды бастаймыз. Соның нәтижесінде 2020 жылға қарай Қазақстанның барлық мектептеріндегі кең жолақты интернеттің жылдамдығы4 Мбит-ке дейін артпақ», – деді Қ. Есекеев.
