«Қазақстан темір жолы» АҚ жаңа жылдан бастап темір жол тарифін 15 пайызға көтереді. Бұл туралы ҚазТАГ агенттігі хабарлап отыр.
"2012 жылдың 1 қаңтарынан магистарлдық жол желілері қызметін 10 пайызға, жалпы темір жол тарифтерін 15 пайызға көтеру жоспарлануда», делінген ҚТЖ –інің хабарламасында. Жаңа тариф «Қазақстанның транспорттық инфрақұрылымын дамыту 2010-2014 бағдарламасы» негізінде көтерілмек. Бұл құжатта темір жолдың әлеуетін арттыру үшін жыл сайын темір жол тарифтерін 15 пайызға көтеру қарастырылған.<ҚТЖ-ның мәліметінше тарифтерді көтеруге басты себеп – жылжымалы құрамның тозуы мен инвестициялық бағдарламаларды жүзеге асыруға қаражаттың жеткіліксіздігі. 2012 жылы тарифтердің көтерілуімен қатар жолдарды модернизациялау, инфрақұрылымдарды дамыту, поездардың қауіпсіздігін арттыру, «Достық» стансысын дамыту жоспарлануда.
Атап айтқанда 600 шақырым жол толыққанды жөнделіп, 2699 жүк вагоны, 134 локоматив алынады. Сонымен қатар Қостанай-Железнорудная бағытындағы 46 шақырым жол электрленеді.
